ويــــــــــــــــــــــــــــــــــــــــنك اناديك

مشتاق لك بالحيل وينك أناديك
صوتي عجز لا يوصلك وأنت غايب
يامالك هالقلب والروح بيديك
ياكل هالعالم وياكل القرايب

ياأجمل حبيب شافته عين مغليك
ياأصدق سعاده في زمان العجايب
ياأحلى مؤده عشتها دون تشكيك
يانبض عمري ياأعز الحبايب

في غيبتك كل البشر ما تساويك
ما أحد مسلى خافق فيك ذايب
كلن سأل محتار ياهووو وشفيك
وشفيه قلبك من هنا العمر طايب

مادروا اٍن الفرح ملك أياديك
والروح من فرقاك راحت ذهايب
برضيك هذا الحال ياشوق يرضيك
توقد لك الذكرى بصدري لهايب

حيران فكري بين هذي وهاذيك
نسيتني وصار الرجا فيك خايب
ولامثل ما أشقاني البعد مشقيك
ومثل دمعي السكاب دمعك سكايب

أرجيك ثم أرجع أرجيك وأرجيك
لاتطول الغيبه وأعود الترايب
لاتقطعه وصالك وأعود وأناديك
صوتي عجز لايوصلك وأنت غايب